Եղանակն՝ այսօր
Կորդովայի թատրոնում Հայոց ցեղասպանության ոգեկոչման միջոցառում է տեղի ունեցել
Արգենտինայի Կորդովա նահանգի Սան Մարտին թատրոնում Հայոց ցեղասպանության ոգեկոչմանը, պատմությանն ու հիշողությանը նվիրված միջոցառում է տեղի ունեցել, որին ներկա է գտնվել Կորդովայի փոխնահանգապետը` հայտնելով իր անկեղծ աջակցությունն ու երախտագիտությունը հայ համայնքին:
Ոգեկոչման միջոցառմանը ավելի քան 1000 մարդ է այցելել, որոնց թվում` քաղաքական, մշակութայի և կրոնական գործիչներ:
«Այսօր հավաքվել ենք ոգեկոչելու մարդկության դեմ կատարված վայրագություններից մեկի հիշատակը և այն իր ճշմարիտ անունով կոչելու, որն է` Ցեղասպանություն», - ասել է փոխնահանգապետ Ալիսիա Պլեգնոն:
Կորդովայի հայ համայնքի նախագահ Էդուարդո Թորոսյան, իր հերթին, արժևորել է Արգենտինայի աջակցությունը հայոց հարցի ճանաչման գործում:
Միջոցառման ընթացքում ելույթ է ունեցել «Գուսան» ժողովրդական պարի համույթը, որը վերջերս ներկայացրել էր համայնքը Կոսկինի փառատոնում:
Studio One