Անհայտ անձինք հարձակվել են Հունաստանի ֆինանսների նախարարի և նրա կնոջ վրա
Հունաստանի ֆինանսների նախարար Յանիս Վարուֆակիսը հայտարարել է, որ իր վրա հարձակվել է անարխիստների խումբ, երբ նա կնոջ հետ ճաշելիս է եղել Աթենքում գտնվող ռեստորաններից մեկում, հաղորդում է BBC-ի ռուսական ծառայությունը:
Նախարարի խոսքով՝ դիմակներով անհայտ անձինք զույգի վրա տարբեր իրեր են նետել, բայց չեն դիպել: Ոչ նա, ոչ իր կինը չեն տուժել:
Երկուշաբթի օրը Վարուֆակիսին հանել էին Հունաստանի պարտքի կարգավորման հարցով բանակցային խմբի կազմից՝ երկրի պետական պարտքի և անհրաժեշտ բարեփոխումներ անցկացնելու վերաբերյալ չափազանց անզիջում դիրքորոշման համար:










