Ֆրանսիան կավելացնի իր պաշտպանական բյուջեն՝ ահաբեկչության սպառնալիքների պատճառով

14:34 • 29.04.15

Ֆրանսիայի նախագահ Ֆրանսուա Օլանդը հայտնել է երկրի պաշտպանական բյուջեի ավելացման մասին՝ ահաբեկչական վտանգի բարձր մակարդակի և արտասահմանում ռազմական գործողություններ անցկացնելու անհրաժեշտությամբ պայմանավորված, հաղորդում է BBC-ի ռուսական ծառայությունը:

 

Օլանդի խոսքով՝ ռազմական ծախսերն առաջիկա 4 տարում կավելացվեն 3,8 միլիարդ եվրոյով։

 

Բացի այդ, նախատեսվում է չեղյալ համարել զինծառայողների շարքերում ավելի վաղ նախատեսված կրճատումները. 34 հազար աշխատատեղից, որոնք նախատեսվում էր կրճատել, կպահպանվի 18,5 հազարը:

 

Նախագահը նաև հայտնել է, որ երկրի հատուկ կարևորության օբյեկտների պահպանման համար կներգրավվի մոտ 7 հազար զինծառայող: