Սոթքում 114 կգ ոսկու հանքանյութ գողացած անձը բերման է ենթարկվել

14:09 • 29.04.15

Ոստիկանության Վարդենիսի բաժնի ծառայողները Սոթքի ոսկու հանքի հանքախորշերից մեկի տարածքից, գողություն կատարելու կասկածանքով, բերման են ենթարկել 1983 թ. ծնված Արթուր Խ.-ին և 1992 թ. ծնված Խաչատուր Ե.-ին:  

Այս մասին հայտնում են ՀՀ ոստիկանության մամուլի ծառայությունից։

Խուզարկությամբ նրանց մոտ հայտնաբերվել է 4 պարկերի մեջ լցված 114 կգ ընդհանուր կշռով հանքանյութի զանգված:

Վերջիններս խոստովանել են, որ հանքանյութը վերցրել են մշակելու և ոսկի ստանալու նպատակով:

Նշանակվել է փորձաքննություն: Կատարվում է հետաքննություն: