Ֆրանսիան հետաքննում է աֆրիկյան պետությունում իր զինվորների կողմից երեխաների սեռական բռնության փաստերը
Ֆրանսիայի իշխանությունները հետաքննում են Կենտրոնաֆրիկյան Հանրապետությունում ֆրանսիացի զինվորների կողմից երեխաների սեռական բռնության փաստերի մասին ՄԱԿ-ի արտահոսած զեկույցը, հաղորդում է France 24-ը:
Ներքին զեկույցը Ֆրանսիայի իշխանություններին է փոխանցել ՄԱԿ-ի աշխատակից Անդերս Կոմպասը՝ ՄԱԿ-ի կողմից այդ պետությունում սեռական բռնությունը դադարեցնել չկարողանալու պատճառով:
Զեկույցում նշվում են տեղահանված մարդկանց համար ճամբարներում ֆրանսիական խաղաղարար զորքի կողմից երեխաներին սեռական բռնության ենթարկելու բազմաթիվ դեպքեր, ներառյալ՝ երկու զինվորի կողմից 9 տարեկան երկու երեխաների սեռական գործողություններ կատարել ստիպելու փաստը:
Այնուհետ «Աշխարհն առանց ՁԻԱՀ-ի» կազմակերպության նախագահ Պաուլա Դոնովանը սեռական շահագործման վերաբերյալ զեկույցը փոխանցել է բրիտանական The Guardian թերթին:
ՄԱԿ-ը տեղեկատվության արտահոսքն անվանել է կանոնադրության խախտում և հեռացրել Անդերս Կոմպասին: Դոնովանը France 24-ի հետ զրույցում նշել է, որ ՄԱԿ-ն այժմ ավելի շատ կենտրոնացած է այդ մարդու վրա, իսկ ՄԱԿ-ի պաշտոնական հայտարարության մեջ մեղավորների մասին ոչ մի խոսք չկա:










