Կիմ Չեն Ընը չի մասնակցի Մոսկվայում մայիսի 9-ի տոնակատարություններին

13:36 • 30.04.15

Հյուսիսային Կորեայի առաջնորդ Կիմ Չեն Ընը չի այցելի Մոսկվա Հաղթանակի 70-ամյակին նվիրված միջոցառումներին, հայտնել է ՌԴ նախագահի մամուլի խոսնակ Դմիտրի Պեսկովը, փոխանցում է ՏԱՍՍ գործակալությունը։

 

Նրա խոսքով՝ Հյուսիսային Կորեայի առաջնորդը, ում այցը Մոսկվա նախատեսվում էր ավելի վաղ, «որոշում է կայացրել մնալ Փհենյանում»։

 

«Նա չի կարող ներկա լինել Մոսկվայում։ Դիվանագիտական աղբյուրներով մեզ է փոխանցվել այդ որոշումը։ Նրա այդ որոշումը կապված է ներքաղաքական գործերի հետ»,- նշել է Պեսկովը։