Շան հաչոցից դժգոհ պորտուգալացին կրակել և սպանել է երեք մարդու

13:23 • 30.08.15

Լուսանկարը՝ Global Look-ի 

Պորտուգալիայում հրազենային վնասվածքներից երեք մարդ է զոհվել, այդ թվում երկու ոստիկան, գրում է BBC News-ը։

Միջադեպը տեղի է ունեցել Կինտա-դու-Կոնդեում, որը գտնվում է մայրաքաղաք Լիսաբոնից 30կմ հեռու։

Վիճաբանություն է ծագել շան հաչոցի շուրջ։ 77-ամյա տղամարդը հայտարարել է, որ կսպանի հարևանին, եթե կենդանին չդադարի հաչել։

Աղմուկը լսելով՝ քաղաքացիական հագուստով  դեպքի վայր է ժամանել մոտակայքում ապրող ոստիկանը, ում վրա կրակել է տղամարդը և սպանել է նրան։

Դեպքի վայր է եկել նաև հերթապահ ոստիկանը, ում թոշակառուն սպանել է գլխին կրակոցով։

Երրորդ զոհը ոստիկանի որդին էր, ով հորն օգնության էր եկել։ Երիտասարդ տղան վնասվածքներ է ստացել և մահացել է ավելի ուշ՝ հիվանդանոցում։

Ավելի ուշ թոշակառուն փորձել է ինքնասպանություն գործել որսորդական հրացանով, սակայն դեպքի վայր են ժամանել ոստիկանները և ձերբակալել նրան։