Վենեսուելայում բնակվող հայուհին դարձել է Miss Lebanon emigrants 2015 մրցույթի հաղթող (տեսանյութ)
Վենեսուելայում բնակվող լիբանանահայ Սոֆիա Ա. Ինկլիզյանը դարձել է Լիբանանում անցկացված Miss Lebanon Emigrant 2015 մրցույթի հաղթող։
Ինչպես տեղեկացնում է Armenianlife.com կայքը, Բիզնեսի կառավարման դպրոցում սովորող Սոֆիան ծագումով լիբանանահայ ընտանիքից է, որը ներկայում բնակվում է Վենեսուելայում։
Miss Lebanon Emigrant 2015 հեղինակավոր մրցույթը տեղի է ունեցել օգոստոսի 27-ին՝ լիբանանյան գեղեցիկ Dhour Shweir հանգստավայրում։
Դրան մասնակցել են լիբանանցի աղջիկներ ԱՄՆ-ից, Ֆրանսիայից, Բելգիայից, Կանադայից, Բրազիլիայից, Արգենտինայից, Ավստրալիայից, Ուրուգվայից, Մեքսիկայից, Դանիայից, Շվեդիայից, Վենեսուելայից։
Աշխարհում շուրջ 10 մլն լիբանանցի ներգաղթյալ կա։ Նշվում է, որ այդ թիվը շատ ավելին է, քան Լիբանանում բնակվող լիբանանցիների թիվը։










