Դուբլինի օդանավակայանում թոշակառուի մոտ ավելի քան 1 կգ կոկաին է հայտնաբերվել

09:54 • 03.09.15

Դուբլինի օդանավակայանում ուղևորներին ստուգող բաժնի աշխատակիցներն ԱՄՆ-ից 75-ամյա թոշակառուի մոտ 1.86 կգ կոկաին են հայտնաբերել, տեղեկացնում է BBC-ն:


Ուղևորը Դուբլին է ժամանել սեպտեմբերի 1-ին՝ Փարիզի «Շառլ դե Գոլ» օդանավակայանից։

 

Հայտնաբերված թմրանյութի ենթադրյալ արժեքը «սև շուկայում» 140.000 եվրո է։



Ոստիկանությունը ձերբակալել է ամերիկացուն և շարունակում է հարցաքննել նրան թմրանյութի ծագման վերաբերյալ։