Եղանակն՝ այսօր
Էմի Ուայնհաուսի հայրը ֆիլմ կնկարահանի դստեր մասին
Հանգուցյալ երգչուհի Էմի Ուայնհաուսի հայրը պատրաստվում է ֆիլմ նկարահանել դստեր կյանքի մասին` վերապատմելով բոլոր փաստերն առավել հավաստի, փոխանցում է buro247.ru-ն:
Ամռանն էկրաններին է հայտնվել Ազիֆ Կապադիայի «Էմի» անվանումով կենսագրական ֆիլմը, որը ռեկորդային է դարձել Մեծ Բրիտանիայի վարձույթում, սակայն բավականին բացասական է ընդունվել երգչուհու ընտանիքի կողմից:
Ընտանիքի հայրը պնդել է, որ ֆիլմում խեղաթյուրված են փաստերը, և ընդհանուր Էմիի կերպարը չի համապատասխանում իրականությանը:
«Ես վատ զգացի, երբ դիտեցի ֆիլմն առաջին անգամ: Էմին շատ կբարկանար, դա հաստատ այն չէ, ինչ նա կցանկանար տեսնել: Ընտանիքը նույնիսկ մտածում է դատարան դիմելու մասին»,- ասել է երգչուհու հայրը:
Միթչ Ուայնհաուսը հայտնել է, որ ֆիլմի աշխատանքները կսկսվեն շատ շուտով: Ի դեպ, ֆիլմի նկարահանումներին կմասնակցի երգչուհու փեսացուն` Ռեգ Թրևիսը։
Studio One