Մոսկվայում մահացած են գտել ընդդիմադիր, Պուտինի քննադատ Վլադիմիր Պրիբիլովսկուն
Մոսկվայի իր բնակարանում մահացած են գտել ընդդիմադիր, «Կորպորացիա. Ռուսաստանը և ԿԳԲ-ն նախագահ Պուտինի օրոք» գրքի համահեղինակ Վլադիմիր Պրիբիլովսկուն, գրում է lenta.ru-ն:
Այդ մասին սոցիալական ցանցերում հայտնել են նրա գործընկերներ Յուրի Ֆելշտինսկին և Ալեքսանդր Վերխովսկին։
«Որևէ այլ լրացուցիչ տեղեկատվություն այս պահի դրությամբ ես չունեմ»,- նշել է Ֆելշտինսկին:
Այդ տեղեկատվությունն իրավապահ մարմիններում պաշտոնապես դեռ չի հաստատվել:
Պրիբիլովսկին 59 տարեկան էր:










