Ջակարտայում պայթյունների կազմակերպիչները թաքնվել են կինոթատրոնում, որտեղ կարող են մարդիկ լինել

Մի քանի մարդ, որոնք ներգրավված են Ջակարտայի պայթյունների իրականացման գործում, այժմ թաքնվում են կինոթատրոնում, որտեղ կարող են շատ մարդիկ լինել, հաղորդում է gazeta.ru-ն։

Al Jazeera հեռուստաալիքի թղթակցի խոսքով՝ ոստիկանության խմբերը շրջափակել են շենքը։

Ոստիկանության և հատուկ նշանակության ջոկատի ստորաբաժանումները հատուկ գործողություն են իրականացնում շենքում թաքնված գրոհայինների դեմ, առնվազն չորս հանցագործ սպանվել է, հաղորդում է CNN հեռուստաալիքը:

Ավելի վաղ հաղորդվել է, որ Ինդոնեզիայի ուժայինները զրահապատ տեխնիկա են կենտրոնացրել Ջակարտայի կենտրոնում:

Ջակարտայի կենտրոնում պայթյունների շարքը կազմակերպել է 10-15 գրոհայինից՝ այդ թվում մահապարտ ահաբեկիչներից բաղկացած խումբը։ Ընդհանուր առմամբ, ուժայինների տվյալներով, հարձակման ընթացքում մահացել է յոթ մարդ:

Նախնական տվյալներով՝ քաղաքում յոթ պայթյուն է տեղի ունեցել։