Բրազիլացի մոդելը մահացել է պլաստիկ վիրահատությունից հետո

Բրազիլիայում ճանաչված մոդել Ռաքել Սանտոսը, ով գեղեցկության հեղինակավոր մրցույթներից մեկում զբաղեցրել էր 2-րդ տեղը, մահացել է Ռիո դե Ժանեյրոյում կատարված պլաստիկ վիրահատությունից հետո:

Ինչպես նշում է lenta.ru-ն, ըստ նախնական տվյալների՝ 28-ամյա կնոջ մոտ տեղի է ունեցել սրտի նոպա, ինչը պայմանավորված է Potenay դեղամիջոցի ներարկմամբ: Նշվում է, որ այս դեղամիջոցը նախատեսված է դիմախաղի հետևանքով առաջացած կնճիռների հարթեցման համար:

Հայտնի է, որ սկզբում մոդելը բողոքել է սրտի չափազանց արագ աշխատանքից ու ասել, որ շնչելու օդը չի բավականացնում: Սանտոսն արագ հոսպիտալացվել է, սակայն բժիշկներին չի հաջողվել փրկել նրա կյանքը:

Այժմ գործի քննությամբ զբաղվում է ոստիկանությունը: Աղբյուրը մանրամասնում է, որ ներարկումն արած բժիշկը հրաժարվել է ընդունել իր մեղքը` պնդելով, որ տվյալ պրոցեդուրան միանգամայն անվտանգ է:

Նշենք, որ մոդելն ունի 2 որդի` 13 և 7 տարեկան։