Աֆղանստանում մահապարտն իրեն պայթեցրել է պաշտոնյայի տանը. կա 11 զոհ

Աֆղանստանի Ջալալաբադ քաղաքում ահաբեկչության զոհ է դարձել 11 մարդ:

Ինչպես տեղեկացնում է ТАСС-ը, մահապարտ ահաբեկիչն ինքն իրեն պայթեցրել է Նանգարհար նահանգի խորհրդի անդամ Օբայդուլլահ Շինվարիի տանը:

Պաշոնյան և նրա ազգականները վիրավորվել են: Ընդհանուր առմամբ՝ վիրավորվել է 13 մարդ:
Սա մեկ շաբաթում Աֆղանստանի արևելքում արդեն երկրորդ խոշոր ահաբեկչությունն է, որի պատասխանատվությունը որևէ խմբավորում չի ստանձնել:

Առաջինը տեղի էր ունեցել Ջելալաբադում Պակիստանի հյուպատոսարանի շենքի մոտ, երբ մի «Իսլամական պետության» մի խումբ զինյալները նախ ռումբ էին պայթեցրել, ապա փոխհրաձգություն էին սկսել: Զոհվել էր 7 մարդ:

Վերջին մի քանի ամիսների ընթացքում Աֆղանստանում ահաբեկչություններ են տեղի ունենում յուրաքանչյուր շաբաթ։ Դրանք ակտիվացել են հատկապես «Թալիբան» շարժման հետ խաղաղ բանակցությունների ֆոնին: