Ռուսաստանը վճարում չի կատարել Եվրոպայի խորհրդում անդամության համար

Ռուսաստանի պատվիրակությունը գումար չի փոխանցել Եվրոպայի խոհրդում անդամության համար: Այդ մասին լրագրողներին հայտնել է միջազգային հարցերով Պետդումայի հանձնաժողովի ղեկավար Ալեքսեյ Պուշկովը, գրում է interfax.ru-ն։

«Ես ձեզ կարող եմ ասել, որ վճարումը չի փոխանցվել»,- ասել է նա։

Նա հավելել է, որ ավելի մանրամասն ԵԽԽՎ-ի ձմեռային նստաշրջանին ռուս խորհրդարանականների պատվիրակության մասնակցության վերաբերյալ կհայտնի Պետդումայի խոսնակ Սերգեյ Նարիշկինը:

Երկուշաբթի օրը հայտնի է դարձել, որ ռուսական պատվիրակությունը որոշել է չմասնակցել Ստրասբուրգում ԵԽԽՎ հունվարյան նստաշրջանին, որը բացվում է հունվարի 25-ին: Այդ մասին հայտնել է ԱՊՀ հարցերով Պետդումայի հանձնաժողովի նախագահ, պատվիրակության ղեկավարի առաջին տեղակալ Լեոնիդ Սլուցկին: