«Աերոֆլոտը» երեքշաբթի 28 ավիաչվերթ է չեղարկել` ձյան և ձնաբքի պատճառով
«Աերոֆլոտ» ավիաընկերությունը 28 ավիաչվերթ է չեղարկել Մոսկվայի «Շերեմետևո» օդանավակայանից՝ վատ եղանակի, ձյան և ձնաբքի պատճառով, հաղորդում է РИА Новости-ն։
«Չեղարկված չվերթների ուղևորները կտեղափոխվեն հետագա չվերթներով»,- ասված է ավիաընկերության կայքում տեղադրված հաղորդագրությունում:
Նաև նշվում է, որ երեքշաբթի օրը «Շերեմետևոյից» թռիչքի ժամանակը փոխվել է 8 ավիաչվերթի համար:
«Ուղևորները տեղեկանում են փոփոխությունների մասին Call կենտրոնի միջոցով, գրանցման համար ժամանողները կապահովվեն անհրաժեշտ ամենով՝ Դաշնային ավիացիոն կանոններին համապատասխան և «Աերոֆլոտի» չափանիշների համաձայն»,- ասված է հաղորդագրությունում:










