Եղանակն՝ այսօր
Սելին Դիոնը բեմ կվերադառնա փետրվարին. People
Երգչուհի Սելին Դիոնը բեմ կվերադառնա փետրվարին, հաղորդում է People-ը՝ վկայակոչելով իր աղբյուրին:
Օրերս կյանքից հեռացել է նրա ամուսինը՝ Ռենե Անջելիլը, իսկ այնուհետ եղբայրը՝ Դանիել Դիոնը։ Նրանք երկուսն էլ մահացել են քաղցկեղից։
Ներկայում ժամանակացույցի համաձայն՝ Դիոնի հերթական համերգը նախատեսված է փետրվարի 23-ին Լաս Վեգասում։
«Այդպես կուզեր Ռենեն: Նա ցանկանում է, որ Դիոնը ելույթ ունենա և բեմ վերադառնա»,- թերթին պատմել է աղբյուրը: «Նա ավելի լավ գիտեր նրան, քան որևէ մեկը, և հնարավոր է՝ գիտի, որ հենց դա է իրեն անհրաժեշտ՝ ելույթ ունենալ»,- հավելել է նա։
Վերջին տարվա ընթացքում Դիոնը գրեթե ողջ ժամանակ եղել է ամուսնու կողքին: Աղբյուրը հավելել է, որ Դիոնը ցանկանում էր ամուսնու կողքին լինել շաբաթը յոթ օր՝ 24 ժամ։
Երգչուհին դադարեցրել էր համերգային գործունեությունն ամուսնուն խնամելու համար:
Studio One