Եղանակն՝ այսօր
«Օսկարի» ժյուրիին այժմ էլ մեղադրել են նույնասեռական թեկնածուների բացակայության պատճառով
Բրիտանացի դերասան Իեն Մքքելենը, ով հանդես է եկել Գենդալֆի դերում «Մատանիների տիրակալը» և «Հոբիթ» եռապատումներում, քննադատել է Ամերիկյան կինոակադեմիայի անդամներին, որ նրանք ոչ մի անգամ «Օսկար» չեն շնորհել բացահայտ նույնասեռականի, գրում է lenta.ru-ն։
Նրա խոսքով՝ մրցանակի ժյուրիի անդամների շրջանում առկա հոմոֆոբ նախապաշարմունքներն այնչափ ուժեղ են, որչափ ռասիստական նախապաշարմունքները։
Դերասանը հիշեցրել է, որ օրինակ՝ Թոմ Հենքսը, Ֆիլիպ Սեյմուր Հոֆմանը և Շոն Փենն «Օսկար» մրցանակի են արժանացել կինոյում նույնասեռականի դերում հանդես գալու համար։
Նա հավելել է, որ քվեարկության համակարգը պետք է վերանայվի։
«Եթե դուք ցանկանում եք հաջողության հասնել որպես աֆրոամերիկացի կամ լատինամերիկացի դերասան, ապա պետք չէ հույս դնել «Օսկարի» ժյուրիի վրա, որտեղ մեծամասնությունը միջին տարիքի և ավելի մեծ սպիտակամաշկ տղամարդիկ են»,- ասել է Մքքելենը՝ մեկնաբանելով սևամորթ կինոգործիչների կողմից մրցանակին հայտարարված բոյկոտը։
Ինքը՝ Մքքելենը, նույնասեռական է և երկու անգամ ներկայացվել է «Օսկարի»։
Studio One