7.500.000 եվրո. Իտալիայում վաճառքի է հանվել Միքելանջելոյի տունը (լուսանկար)

10:54 • 27.01.16

Իտալական Սիենա քաղաքից ոչ հեռու վաճառքի է հանվել Վերածննդի դարաշրջանի մեծագույն վարպետներից մեկին` քանդակագործ և նկարիչ Միքելանջելո Բուոնարոտիին, պատկանած սեփական տունը:

Ինչպես նշում է euromag.ru-ն, հանճարեղ արվեստագետը 8 ննջասենյակ ունեցող տունը ձեռք է բերել 1549թ., և մինչև 1867թ. անշարժ գույքը պատկանել է Բուոնարոտիների տոհմին:

Խաղողի որթատունկերով շրջապատված տունը, որից աննկարագրելի գեղեցիկ տեսարաններ են բացվում դեպի Տոսկանայի լեռները, կարելի է գնել 7.5 մլն եվրոյով:

Հետաքրքրական է, որ 11-րդ դարում կառուցված տունն իր գոյության ընթացքում ունեցել է ընդամենը 3 սեփականատեր, որից մեկը Միքելանջելոն էր։