Չեչնիայում իրապատում շոու կնկարահանվի՝ Կադիրովին օգնական գտնելու նպատակով
Չեչնիայի ղեկավար Ռամզան Կադիրովը պատրաստվում է իր համար նոր օգնական գտնել հեռուստատեսային իրապատում շոուի միջոցով:
Ինչպես նշում է Al Arabiya-ն, շոուն կրելու է «Թիմը» անվանումը: Դրա մասնակիցները պետք է անցնեն մի շարք փորձություններով` այդ թվում նաև լեռներ մագլցեն, ի ցույց դնեն չեչեն ազգին բնորոշ հյուրասիրությունն ու ազգային ավանդույթներին հավատարմությունը:
Աղբյուրը մանրամասնում է, որ հաղթողին որոշելու է ինքը` Կադիրովը, ով հատուկ ժյուրիի հետ գնահատելու է մասնակիցներից ամեն մեկի ելույթն ու պահվածքը:
Նշվում է, որ շոուի հաղթողին որոշելուց հետո Կադիրովը նրան նշանակելու է Չեչնիայի ռազմավարական զարգացման բաժնի ղեկավարի պաշտոնում:










