Եվրամիությունը երկարաձգել է Ռուսաստանի նկատմամբ տնտեսական պատժամիջոցները
Եվրամիությունը երկարաձգել է Ռուսաստանի նկատմամբ տնտեսական պատժամիջոցները մինչև 2017 թվականի հունվարի 31-ը: Այդ մասին ուրբաթ օրը հաղորդվում է Եվրոպական խորհրդի կայքում:
«Գնահատելով Մինսկի համաձայնագրերի կատարման ընթացքը՝ Խորհուրդը որոշում է կայացրել երկարաձգել պատժամիջոցները վեց ամսով՝ մինչև 2017 թվականի հունվարի 31-ը»,- ասված է հաղորդագրությունում:
Եվրամիությունը Ռուսաստանի նկատմամբ տնտեսական պատժամիջոցներ է սահմանել Ուկրաինայի հարցում դիրքորոշման պատճառով։










