Օգտատերերին զայրացրել է BBC News-ի հաղորդավարուհու արարքը, ով ուղիղ եթերի ժամանակ սմարթֆոնով է զբաղվել

12:04 • 01.07.16

Twitter-ի օգտատերերն արձագանքել են BBC News-ի հաղորդավարուհի Ջոանա Գոսլինգի արարքին, ով ուղիղ եթերի ժամանակ սմարթֆոնով է զբաղվել, գրում է BuzzFeed-ը։



Օգտատերերը դժգոհություն են հայտնել հաղորդավարուհու վարքի վերաբերյալ և փորձել են ենթադրել` ինչով է նա զբաղված եղել, որ չի նկատել ուղիղ եթերի սկիզբը:


Որոշ օգտատերեր նրան մեղադրել են սմարթֆոնից կախվածություն ունենալու համար և նրա վարքն անվանել են «ճիշտ նշանն այն բանի, որ Մեծ Բրիտանիայի վերջը եկել է»:



Այդ ամենին ի պատասխան` Գոսլինգը Twitter-ում գրել է, որ պատճառը տեխնիկական անսարքություններն են եղել: