Իռլանդացի 80-ամյա զույգը մարաթոնյան վազքի է մասնակցել՝ վազելով 42 կմ (լուսանկարներ)
Իռլանդիայից Ջո և Քեյ Օ’Ռիգան ամուսնական զույգը նշել է համատեղ կյանքի 57-ամյակը մարաթոնյան վազքի մասնակցելով: Նրանք միասին անցել են ամբողջ վազքուղին` 42 կմ 195 մ ուղին հաղթահարելով 5 ժամ 25 րոպեում, գրում է Вести հեռուստաալիքի կայքը:
80-ամյա Քեյ Օ’Ռիգանի համար մարաթոնը եղել է 113-րդը, իր հասակակից ամուսնու համար` 29-րդը:
«Մենք սնվում ենք հիմնականում մրգերով և բանջարեղենով, երբեք չենք օգտագործել թմրանյութեր, չենք ծխել և չենք խմել: Սակայն այս իրադարձությունը կնշենք մեկ գավաթ շամպայնով»,- ասել է ընտանիքի հայրը:















