Չինացի ֆերմերը չի կարողացել զսպել արցունքները` ստիպված լինելով 6.000 խոզերին լքել հեղեղված խոզանոցում (լուսանկարներ)
Չինաստանի որոշ հատվածներում ջրհեղեղներից տուժում են ոչ միայն մարդիկ, այլև` կենդանիները: Մասնավորապես` չինական բնակավայրերից մեկում վարարած ջրերը լցվել են Xishang Group գյուղատնտեսական ֆերմայի խոզանոցները` թակարդի մեջ գցելով 6.000 խոզի:
The Daily Mail պարբերականի հրապարակած ֆոտոշարքում երևում է` ինչպես է ֆերմայի մենեջերը` Լի Քսիաբոն, արցունքն աչքերին հրաժեշտ տալիս ջրում խեղդվող խոզերին ու հեռանում:
Պարբերականը նկատում է, որ տղամարդու համար շատ դժվար է եղել կենդանիներին վտանգի մեջ միայնակ թողնելու և հեռանալու որոշում կայացնելը:
Նշվում է, որ փրկարար ծառայության աշխատակիցները 20 ժամ անց դեպքի վայր են եկել ու ջրի թակարդից դուրս բերել կենդանիների մի մասին:















