Եղանակն՝ այսօր
Կալիֆոռնիայի ծովային կյանքին վնաս հասցրած տաք հոսանքը վերադարձել է
Հյուսիսային Ամերիկայի ծովային էկոհամակարգին վնաս հասցրած հազվադեպ տաք հոսանքը կրկին ի հայտ է եկել՝ սկիզբ առնելով խաղաղօվկիանոսյան ափից, հաղորդում է Quartz-ը։ Վաշինգտոնի համալսարանի օդերևութաբան Նիք Բոնդը չնայած հոսանքի հսկայական զանգվածին, այն «կաթիլ» է անվանել։
Նշվում է, որ հոսանքն առաջին անգամ նկատվել է 2013 թվականին՝ Խաղաղ օվկիանոսի մակերևույթի վրա, իսկ անցած տարվա սեպտեմբերին որոշ մասնագետներ այն «մեռած» են անվանել։ Ինչպես պարզվել է հետազոտությունների արդյունքում, «կաթիլը» անհետացած չի եղել. այն ուղղակի նահանջել է օվկիանոսի ավելի խոր մասեր։
Կալիֆորնիայի համալսարանի Օվկիանոսագրության ինստիտուտի գիտնականները պարզել են, որ հոսանքի պատճառով սպառվել են ծովամթերքի աղբյուրներն ու խախտվել է կենդանիների միգրացիայի նորմալ ընթացքը, ինչը էկոհամակարգին զգալիորեն մեծ վնաս է հասցրել։
Գիտնականները հոսանքի առաջացման հարցին միանշանակ պատասխան չեն տալիս։ Օդերևութաբան Նիք Բոնդը ենթադրում է, որ հոսանքի ջերմաստիճանի իջեցումը դեռ երկար կտևի՝ ամենաքիչը մինչև այս տարվա ավարտ։
Studio One