Ճապոնիային է մոտենում երրորդ ուժեղ թայֆունը

12:15 • 28.08.16

Ճապոնիայով անցած Մինդուլ և Կոմպասու ավերիչ թայֆուններից ընդամենը մեկ շաբաթ անց երկիրը պատրաստվում է ևս մեկ ուժեղ թայֆունի, որը կհարվածի երկրի արևելյան կողմից հաջորդ շաբաթվա առաջին օրերին. այս մասին հայտնում է CNN-ը:

Թայֆունն այժմ մոտենում է Օկինավա կղզիներին: «Լայնրոք» անունը ստացած թայֆունը շարժվում է հյուսիս-արևելք՝ ժամում 20 կիլոմետր արագությամբ:

Ճապոնիայի օդերևութաբանական գործակալությունը հայտարարություն է տարածել՝ նախազգուշացնելով ողջ արևելյան ափի երկայնքով բարձր ալիքների և կայծակների մասին:

Japan Airlines և All Nippon Airways ավիաընկերությունները նախազգուշացրել են, որ հնարավոր են ընդհատումներ չվերթների ժամանակացույցում: