Հրթիռակոծվել է թուրքական Դիարբեքիր քաղաքի օդանավակայանը

15:16 • 28.08.16

Շաբաթ օրը հրթիռակոծվել է թուրքական Դիարբեքիր քաղաքի օդանավակայանը: Այս մասին հայտնում է BBC-ի ռուսական ծառայությունը՝ վկայակոչելով թուրքական ԶԼՄ-ներին:

Իշխանությունները մեղադրում են Քուրդիստանի աշխատավորական կուսակցության քուրդ զինյալներին:

Dogan գործակալությունը հայտնում է, որ չորս հրթիռ է ընկել և այնուհետև պայթել ոստիկանական անցակետի կողքը գտնվող դատարկ տարածքում: Պայթյունները լսվել են ողջ քաղաքում:

Դիարբեքիրի իշխանությունները հայտնել են, որ հարվածի թիրախը, հավանաբար, եղել է ոստիկանական անցակետը: Նշվում է, որ զոհեր չեն գրանցվել: Իշխանությունների հաղորդմամբ՝ ինքնաթիռների թռիչքներն իրականացվում են սովորական ռեժիմով: ԶԼՄ-ները, սակայն, հայտնում են օդանավակայան տանող ճանապարհների արգելափակման և չվերթների հետաձգման մասին: