Ռուսաստանը Հս. Կորեա է ուղարկել մոտ 900 տոննա մարդասիրական օգնություն
Ռուսաստանի Դաշնության արտակարգ իրավիճակների նախարարությունը մարդասիրական օգնություն է տրամադրել «Լայոնրոկ» թայֆունից տուժած Հյուսիսային Կորեային՝ այդ երկիր ուղարկելով 870 տոննա բեռ, հաղորդում է «ՌԻԱ Նովոստի» գործակալությունը։
«Երկաթուղային տրանսպորտով Հս. Կորեա է ուղարկվել ավելի քան 170 տոննա սննդամթերք և ավելի քան 700 տոննա դիզելային վառելիք»,- հայտնել են գերատեսչությունից։
Նշվում է, որ Հս. Կորեայի բնակիչներին օգնությունն ուղարկվում է ՌԴ նախագահի ու կառավարության հանձնարարությամբ։
Հոկտեմբերի վերջին հաղորդվել էր, որ թայֆունի հետևանքով ԿԺԴՀ-ում ավելի քան 100 մարդ է մահացել։










