Արման Սահակյանի շտաբներից մեկում 77-ամյա կնոջ դի է հայտնաբերվել

17:24 • 02.04.17

Քիչ առաջ արտակարգ դեպք է տեղի ունեցել Երևանում: Ժամը 15:45-ի սահմաններում ահազանգ է ստացվել ոստիկանության Մաշտոցի բաժին, որ Հասրաթյան 16 շենքում գործող ընկերություններից մեկում կնոջ դի կա։ 

ՀՀ ոստիկանության հասարակայնության հետ կապերի և լրատվության վարչությունից «Արմենպրես»-ին տեղեկացրել են, որ նշյալ հասցեում 1940 թվականին ծնված կինը հանկարծամահ է եղել:

Նշենք, որ Shamshyan.com-ի տեղեկություններով՝ նշված վայրն օգտագործվում է ինչ-որ տուրիստական ընկերության կողմից, սակայն այս օրերին գործել է որպես ռեյտինգային ցուցակով ԱԺ պատգամավորի թեկնածու Արման Սահակյանի նախնըտրական շտաբ:

Կայքի տեղեկացմամբ՝ քաղաքացիները պատմել են, որ երբ մահացածի դին տեղափոխել են, շտաբականները Ա. Սահակյանի նկարներով բոլոր պաստառները հեռացրել են շենքի վրայից: