Թրամփի փեսան չհայտարարված այցով ժամանել է Իրաք

09:52 • 03.04.17

Միացյալ Նահանգների նախագահ Դոնալդ Թրամփի փեսան՝ Ջարեդ Քուշները, որը նրա ավագ խորհրդականն է, չհայտարարված այցով ժամանել է Իրաք, հայտնում է CNN-ը:


Նշվում է, որ Քուշներն Իրաք է մեկնել ամերիկյան զինված ուժերի շտաբների ղեկավարների կոմիտեի նախագահ Ջոզեֆ Դանֆորդի առաջարկով:


Այնուհանդերձ՝ աղբյուրը չի մանրամասնում, թե որն է Քուշների այցի նպատակը: Նշվում է, որ 36-ամյա Քուշներին վստահվել է Մերձավոր Արևելքում ԱՄՆ խաղաղության դեսպանի դերը: