Volkswagen-ը ներկայացրել է I.D. Crozz էլեկտրական ինքնակառավարվող մեքենայի կոնցեպտը (լուսանկարներ)

Գերմանական հեղինակավոր Volkswagen մեքենաշինական ընկերությունը Շանհայում ընթացող միջազգային ավտոշոուի շրջանակում ներկայացրել է ամբողջությամբ նոր էլեկտրական կոնցեպտ, որը մի լիցքավորմամբ կարող է անցնել 450 կմ:

Ինչպես նշում է The New York Daily News-ը, 4 տեղանոց քրոսովերն ինքնակառավարվող է ու կոչվում է I.D. Crozz:

Աղբյուրը նկատում է, որ այն անցած մեկուկես տարվա ընթացքում Volkswagen-ի կողմից ներկայացված 3-րդ ինքնակառավարվող մոդելն է՝ կառուցված ավտոբրենդի Modular Electric Drive Matrix պլատֆորմի հիման վրա:

Էլեկտրական 2 շարժիչների ընդհանուր հզորությունը 302 ձիաուժ է: Դրանց զարգացրած առավելագույն արագությունը 180 կմ/ժ է:

Նորույթի սերիական արտադրությունը սկսվելու է 2020թ.: