Թրամփը կզանգահարի ՄՏԿ՝ շնորհավորելու տիեզերքում ամենաշատ ժամանակ անցկացրած ամերիկուհուն

ԱՄՆ ազգային ավիատիեզերական գործակալության՝ ՆԱՍԱ-ի տիեզերագնաց Փեգի Ուիթսոնը Միջազգային տիեզերակայանում (ՄՏԿ) գտնվելու ժամանակ ռեկորդ է սահմանել, հայտնում է The Verge-ը:

Աղբյուրը մանրամասնում է, որ կինը ՄՏԿ-ում անցկացրել է ավելի քան 534 օր, ինչը նշանակում է, որ նա տիեզերքում ամենաշատ ժամանակ անցկացրած ամերիկացին է:

Այս կապակցությամբ Միացյալ Նահանգների նախագահ Դոնալդ Թրամփը պատրաստվում է այսօր զանգահարել ՄՏԿ ու անձամբ շնորհավորել Ուիթսոնին:

Ենթադրվում է, որ հեռախոսազրույցը տևելու է 20 րոպե: Բոլոր ցանկացողները կկարողանան այն լսել  ՆԱՍԱ-ի հավելվածների միջոցով: