Մարմարա ծովի առափնյա հատվածը նարնջագույն է դարձել (լուսանկար)
Մարմարա ծովը միկրոօրգանիզմների ակտիվացմամբ պայմանավորված բնական ֆենոմենի պատճառով մասամբ նարնջագույն է դարձել:
Ինչպես նշում է dailysabah.com կայքը, ջրի գունափոխումն առավել նկատելի է թուրքական Թեքիրդաղի առափնյա հատվածում: Աղբյուրը մանրամասնում է, որ ջրի գույնը փոխած պլանկտոնը հնարավոր չէ տեսնել անզեն աչքով, քանի որ դա միաբջիջ օրգանիզմների խումբ է:
Գիտնականների համաձայն՝ միկրոօրգանիզմների այս տեսակն ակտիվանում է գարնանը:
Մասնագետները տեղի բնակիչներին կոչ են արել չանհանգստանալ ու ցրել գունափոխման՝ վտանգավոր լինելու մասին բոլոր կասկածները:











