Լեռնապար գյուղի լեռան մոտակայքում քաղաքացի է մոլորվել. ԱԻՆ փրկարարները գտել են նրան

10:59 • 03.05.17

 

Մայիսի 3-ին, ժամը 03:08-ին ՀՀ ԱԻՆ ահազանգ է ստացվել, որ քաղաքացին մոլորվել է Արագածոտնի մարզի Լեռնապար գյուղի լեռան մոտակայքում և մթության պատճառով չի կարողանում գտնել վերադարձի ճանապարհը. անհրաժեշտ է փրկարարների օգնությունը:

Ինչպես հայտնում են ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:

Պարզվել է, որ Գ. Փ.-ն ընկերոջ հետ մեկնել է Հարթավան գյուղի անասնագոմեր:

Փրկարարները ոստիկանության աշխատակիցների հետ համատեղ Հարթավան գյուղի ավտոճանապարհին գտել են Գ. Փ.-ին, այնուհետև ոստիկանության աշխատակիցները քաղաքացուն տեղափոխել են ոստիկանության Ապարանի բաժին: