Արցախում զինվորական ավտոմեքենան ընկել է ջրամբարը, 3 զինվոր ջրահեղձ է եղել. Shamshyan.com

22:20 • 08.05.17

SHAMSHYAN.com-ի տեղեկություններով՝ այսօր՝ մայիսի 8-ին, ողբերգական դեպք է տեղի ունեցել Արցախի Հանրապետությունում: 

Դեռևս անհայտ հանգամանքներում, Մատաղիսի զորամասի հարևանությամբ գտնվող ջրամբարն է ընկել Վիլիս մակնիշի ավտոմեքենան: 

Դժբախտաբար, վարորդն ու 2 ուղևորները ջրահեղձ են եղել: Ջրահեղծ եղածներից 2-ի դիերը ժամը 20:00-ի դրությամբ դուրս են բերվել, մեկի որոնողական աշխատանքները շարունակվում են: 

Արցախի հանրապետության պաշտպանության նախարարության մամուլի խոսնակ Սենոր Հասրաթյանը Tert.am-ի հետ զրույցում հայտնեց, որ առաջիկայում հանդես կգան հայտարարությամբ՝ նշելով, որ դեպի հանգամանքները դեռ հստակ չեն: