ԱՄՆ-ում ռազմաբազայից գողացված 1 միլիոն դոլարի զենքը վաճառվել է eBay-ով

09:40 • 31.08.17

ԱՄՆ Կենտուկի նահանգի Ֆորտ Քեմփբլի ռազմաբազայի պահեստներից գողացվել է ընդհանուր 1 միլիոն դոլարի սպառազինություն և սարքավորում, հայտնում է Associated Press գործակալությունը: Ավելի ուշ գողացվածը վաճառվել է «սև շուկայում», որի մի մասն օտարերկրյա գնորդները գնել են eBay-ի միջոցով:


Սպառազինությունը և սարքավորումները վերավաճառվել են Ռուսաստանից, Չինաստանից, Մեքսիկայից, Հոնկոնգից, Ղազախստանից և Ուկրաինայից գնորդներին:


Պահեստներից գողացված ապրանքների թվում են՝ հրացաններ, զրահապատ բաճկոններ, սաղավարտներ, բժշկական սարքավորումներ և այլ իրեր:


Դատարանում հանցագործությանը ներգրավված վեց զինվորները և նրանց բիզնես գործընկերը գործարքի են եկել և ցուցմունք տվել: