Այսօրվանից Բրյուսելը հրաժարվում է մեկանգամյա օգտագործման պլաստիկ փաթեթներից

11:49 • 01.09.17

Բելգիայի մայրաքաղաք Բրյուսելը հրաժարվել է մեկանգամյա օգտագործման պլաստիկ փաթեթներից: Դրանց տարածումը քաղաքի առևտրի կենտրոններում արգելվել է սեպտեմբերի 1-ից, հայտնում է RTBF-ը:


Սակայն առևտրի ցանցերի սեփականատերերին թույլատրվել է մինչև նոյեմբերի 30-ը տարածել մինչև սեպտեմբերի 1-ը գնված փաթեթները: Նոր կանոնները վերաբերում են Բրյուսելի բոլոր խանութներին:


Հաղորդվում է, որ բազմակի օգտագործման համար նախատեսված ավելի քան 50 միկրոն հաստությամբ փաթեթները հնարավոր կլինի շարունակել վաճառել գնորդներին:


Այդ քայլը բացատրվում է շրջակա միջավայրի աղտոտվածությունը նվազեցնելու ցանկությամբ: