Մոսկվայում մոտ 200 հազար մահմեդական տոնել է Կուրբան Բայրամը (լուսանկարներ, տեսանյութ)
Ուրբաթ վաղ առավոտյան Մոսկվայում սկսվել են մահմեդականների սրբազան Կուրբան Բայրամին՝ Զոհաբերության տոնին նվիրված տոնակատարությունները, գրում է BBC-ի ռուսական ծառայությունը:
Ամեն տարի տասնյակ հազարավոր հավատացյալներ հավաքվում են Մոսկվայում և Սանկտ Պետերբուրգում Մայր մզկիթների մոտ՝ քարոզի և աղոթքի: Այս տարի տոնը համընկել է սեպտեմբերի 1-ի հետ:
Հավատացյալների կուտակման պատճառով փակվել են մզկիթի հարևան փողոցները:
Կուրբան Բայրամը հաջի՝ Մեքքա քաղաք հավատացյալ մահմեդականների ուխտագնացության կուլմինացիան է:


















