Մոսկվայի մերձակայքում ինքնաթիռ է ընկել ավիաշոուի ժամանակ (տեսանյութ)

20:37 • 02.09.17

Մոսկվայի մարզի Ժելեզնադարոժնի քաղաքում անցկացվող ավիաշոուի ժամանակ ինքնաթիռ է ընկել: Ինչպես հայտնում է Life.ru-ն, ինքնաթիռի երկու օդաչուն էլ զոհվել են:

 

Ավելի ուշ պարզվել է վթարված Ան-2 ինքնաթիռի զոհված օդաչուների ինքնությունը: Նրանք են ավիամրցույթի աշխարհի և Եվրոպայի  առաջնության դափնեկիր Դմիտրի Սուխորյովը և IT ոլորտի նախկին մասնագետ և օդաչու Բորիս Տիլևիչը:

 

Ինչպես հաղորդվում է, օդաչուներից մեկն այրվել է ինքնաթիռում, իսկ երկրորդը դուրս է նետվել ալիքի ազդեցության տակ, ինչի հետևանքով կյանքի հետ անհամատեղելի վնասվածքներ է ստացել:  

 

Նախնական տվյալներով՝ ԱՆ-2 ինքնաթիռն ընկել է անձնակազմի սխալի պատճառով: