Մոսկվայի մարզում ցուցադրական թռիչքի ժամանակ ԱՆ-2 ինքնաթիռ է կործանվել (տեսանյութ)
ՌԴ Մոսկվայի մարզի Բալաշիխա քաղաքում ցուցադրական թռիչքի ժամանակ կործանվել է Ան-2 ինքնաթիռը: Այդ մասին Интерфакс-ին հայտնել է արտակարգ ծառայություններում աղբյուրը:
«Բալաշիխայի մոտակայքում շաբաթ օրն իրականացվում են ցուցադրական թռիչքներ Ան-2 առաջին ինքնաթիռի թողարկման տարեդարձի կապակցությամբ: Թռիչքներից մեկի ընթացքում օդաչուն կորցրել է կառավարումը, և ցածր բարձրության վրա ինքնաթիռը բախվել է գետնին»,- ասել է աղբյուրը:
Բախումից հետո ինքնաթիռը մասերի է բաժանվել և այրվել:
Ինքնաթիռում գտնվող երկու մարդ զոհվել է: Աղբյուրի խոսքով՝ հնարքի ցուցադրման ժամանակ օդաչուն ինքնաթիռի թևով դիպել է թռիչքուղուն և կործանվել:










