Ուսումնասիրում ենք շուկան, որպեսզի լավագույն համակարգերը ձեռք բերենք. Դավիթ Տոնոյանը` ԱԻՆ-ի տեխնիկական հագեցվածության պակասի մասին (տեսանյութ)

16:24 • 02.09.17

Արտակարգ իրավիճակների  նախարարության տեխնիկական հագեցվածության պակաս կա և հիմա ուսումնասիրում ենք շուկան, որպեսզի լավագույն համակարգերը ձեռք բերենք: Այս մասին Tert.am-ի հետ զրույցում ասաց Արտակարգ իրավիճակների նախարար Դավիթ Տոնոյանը:

Հիշեցնենք, որ այսօր  ՀՀ արտակարգ իրավիճակների նախարարության համակարգմամբ, մեկնարկել է «ArmSecurity-2017» անվտանգության բարձր տեխնոլոգիաների միջազգային ցուցահանդեսը՝ «Անվտանգ Հայաստան» խորագրով, որտեղ բացման խոսքով հանդես եկավ  Արտակարգ իրավիճակների նախարար Դավիթ Տոնոյանը և շրջեց տաղավարներով:

ԱԻ նախարարն ասաց նաև, որ տեղեկատվական տեխնոլոգիաների արդյունաբերողների հետ համագործակցությունը պատշաճ մակարդակի է լինելու: Նա Հայաստանի ներուժն այդ առումով շատ բարձր գնահատեց: «Եթե շրջել եք տաղավարներով, ապա  նկատել եք, որ բոլոր կազմակերպությունները ունեն հայաստանյան մաս, ներկայացուցչություն, համատեղ ձեռնարկություններ են»,-ասաց նա: