«Դոմոդեդովո» օդանավակայանում ռուս ընդդիմադիր գործիչ Նավալնիի վրա նրբերշիկներ են նետել (տեսանյութ)
Մոսկվայի «Դոմոդեդովո» օդանավակայանում անհայտ անձինք սարդելկաներ են նետել ընդդիմադիր գործիչ Ալեքսեյ Նավալնիի վրա, հայտնում է «Ազատություն» ռադիոկայանի ռուսական ծառայությունը:
Իր բլոգում Նավալնին գրել է, որ այդ ընթացքում ոստիկանները կանգնած են եղել մոտակայքում և «ժպտացել» են: Ընդդիմադիր գործչի խոսքով՝ հարձակվողները չորսն են եղել, նրանք թաքնվել են:
Նավալնին նշել է, որ Մոսկվա է վերադարձել Ստրասբուրգից:
Լրատվամիջոցը նշում է, որ Ալեքսեյ Նավալնին բազմիցս ենթարկվել է հարձակումների, որոնց համար նա մեղադրում է կրեմլամետ ակտիվիստներին:

Лайф уже опубликовал видео с Навальным и сардельками! pic.twitter.com/XApwXQhlyc
— Philipp Kireev (@mynameisphilipp) September 6, 2017










