Հայաստանի և Էստոնիայի ԱԳ նախարարները մտքեր են փոխանակել նոյեմբերին կայանալիք ԱլԳ գագաթաժողովի նախապատրաստական աշխատանքների շուրջ

17:45 • 08.09.17

Սեպտեմբերի 8-ին աշխատանքային այցելությամբ Տալլինում գտնվող արտգործնախարար Էդվարդ Նալբանդյանը հանդիպել է Եվրոպական միությունում նախագահող Էստոնիայի արտգործնախարար Սվեն Միկսերին։

Այս մասին հայտնում են ՀՀ ԱԳՆ լրատվական ծառայությունից։

Հանդիպմանը քննարկվել են հայ-էստոնական օրակարգին առնչվող հարցեր, անդրադարձ արվեց միջազգային կազմակերպությունների շրջանակներում համագործակցությանը։

Զրուցակիցները մտքեր են փոխանակել նոյեմբերին կայանալիք Արևելյան գործընկերության գագաթաժողովի նախապատրաստական աշխատանքների շուրջ։