Այս անգամ էլ Անգելա Մերկելի ավտոմեքենան է լոլիկներով հարձակման ենթարկվել
Գերմանիայի կանցլեր Անգելա Մերկելի հակառակորդները լոլիկներով հարձակվել են նրա մեքենայի ուղղությամբ, որով քաղաքական գործիչը մոտեցել է նախընտրական հերթական քարոզարշավի անցկացման վայրին, գրում է Euronews կայքը:
«Այլընտրանք Գերմանիայի համար» և Գերմանիայի Ազգային-դեմոկրատական կուսակցության հարյուրավոր կողմնակիցներ կանցլերին դիմավորել են սուլոցներով և վիրավորանքներով:
Հիշեցնենք, որ նմանատիպ դեպք էր տեղի ունեցել նաև սեպտեմբերի 5-ին Հայդելբերգում, որտեղ բեմին կանգնած Մերկելի ուղղությամբ երկու լոլիկ էր նետվել։ Դրանցից մեկը դիպչել էր Մերկելի ձախ ազդրին, ինչին ի պատասխան կանցլերը միայն ժպտացել էր:










