Կալիֆորնիայում հեռուստաեթերն ընդհատել է աշխարհի վերջի մասին հայտարարությունը (տեսանյութ)

15:30 • 22.09.17

ԱՄՆ-ի Կալիֆորնիա նահանգի Օրինջ շրջանի բնակիչները դարձել են հեռուստատեսությամբ աշխարհի վերջի մասին հայտարարության ականատեսներ: Այս մասին հայտնում է The Orange Country Register տեղական պորտալը:

Նշվում է, որ միջադեպը տեղի է ունեցել սեպտեմբերի 21-ին:

Ականատես Սթեյսի Լաֆլամը պատմել է, որ երեկոյան էկրանին հանկարծ հայտնվել է «Արտակարգ ահազանգ» գրությունը, այնուհետև տղամարդու ձայն է եթեր մտել:

«Հասկացեք՝ շատ դաժան ժամանակներ կգան», - ասել է ձայնն էկրանից:

Լաֆլամի խոսքով՝ հեռարձակումը հիշեցրել է ռադիոհաղորդում և հնչել «համարյա Հիտլերի պես»:

Աղբյուրի հաղորդմամբ՝ հաղորդագրությունը ներթափանցել է մի քանի մալուխային օպերատորի եթեր: Ներկայացուցիչները բացատրել են, որ ձայնը հավանաբար իրոք նախատեսված է եղել որևէ ռադիոհաղորդման համար, սակայն անսարքությունների պատճառով հայտնվել է հեռուստատեսությունում:

Օպերատորներն ուսումնասիրում են միջադեպը:


Տեսանյութը կարող եք դիտել այստեղ: