ԱՄՆ-ում կալանավորները փախել են բանտից, գողություն արել, հետո կրկին բանտախուց վերադարձել (լուսանկարներ)
ԱՄՆ Միսիսիպի նահանգի բանտերից մեկում պահվող 4 կալանավորի հաջողվել է աննկատ փախչել, ազատության մեջ գողություն անել ու հետո միասին բանտախուց վերադառնալ, գրում է The Daily Mail-ը:
Լևոնթի Էլինգթոնը, Թրևիս Բեյքերը, Մորիս Ռոբերտսոնը և Ժակ Ուիլյամսը փախել են Լեքսինգթոնում գտնվող Holmes-Humphreys կալանավայրից: Նրանք 4-ով անցել են մոտ 1.5 կմ, մտել խանութներից մեկն ու թալան իրականացրել:
Հանցագործները գողացել են այնպիսի բաներ, որոնք հեշտությամբ կկարողանային վաճառել բանտում՝ ծխախոտ, կրակայրիչ, հեռախոս և այլն:
Եվ չնայած, որ թալանված խանութի տեսահսկման խցիկները ֆիքսել են տղամարդկանց, նրանք հրաժարվել են ընդունել իրենց մեղքը:













