Անապայում Մի-8 ուղղաթիռի օդաչուն պտուտակի թևից մահացու հարված է ստացել

20:40 • 26.09.17

Ռուսաստանի Անապա քաղաքի օդանավակայանում Մի-8 ուղղաթիռի պտուտակի թևը վնասվածք է հասցրել օդաչուին:

Ինչպես հաղորդում է Интерфакс գործակալությունը՝ վկայակոչելով Կրասնոդարի երկրամասի օպերատիվ ծառայություններին, Անապայի հիվանդանոցում մահացել է Մի-8 ուղղաթիռի անձնակազմի անդամը, որին վնասել է պտուտակաթևը:

Ավելի վաղ հաղորդում էր ստացվել, որ տղամարդը վնասվածք է ստացել և տեղափոխվել է քաղաքի հիվանդանոց: Կատարվածի գործով նախաքննություն է նշանակվել:

Նախնական տվյալներով՝ անձնակազմի անդամը վնասվածք է ստացել ուղղաթիռի շարժիչի գործարկման պահին: