Ինդոնեզիայում հսկայական մեղվախումբը խափանել է ինքնաթիռի մեկնումը (տեսանյութ)

15:44 • 27.09.17

Ինդոնեզիայի Սումատրա կղզում տեղակայված Կուալա Նամու օդանավակայանում հսկայական մեղվախումբը հետաձգել է ինքնաթիռի մեկնումը: Միջադեպի տեսանյութը հրապարակվել է YouTube-ում:

Coconuts Jakarta պորտալը մանրամասնում է, որ միջադեպը տեղի է ունեցել սեպտեմբերի 22-ին: Citilink ավիաընկերության ինքնաթիռի վայրէջքից անմիջապես հետո մեղուները պատել են դրա աջ թևը: Բոլոր ուղևորները բարեհաջող լքել են ինքնաթիռը:

Նշվում է, որ օդանավակայանի աշխատակիցները ջրցանների միջոցով հեռացրել են միջատներին ինքնաթիռի թևից: Այնուհետև ինքնաթիռը մանրակրկիտ ուսումնասիրվել է և մեկնել նշանակման վայր՝ ինդոնեզական Բատամ քաղաք, մեկուկես ժամ ուշացումով: