Բաղդադն Իրաքյան Քրդստանին վերջնագիր է ներկայացրել

04:26 • 27.09.17

Պաշտոնական Բաղդադն Իրաքյան Քրդստանին վերջնագիր է ներկայացրել, ըստ որի այն պարտավոր է երեք օրվա ընթացքում Բաղդադի կառավարմանը հանձնել բոլոր սահմանային անցակետերն ու օդանավակայանները։ 

«Մենք որոշել ենք երեք օրից արգելել միջազգային ավիաչվերթները դեպի Իրաքյան Քրդստան, եթե օդանավակայանների կառավարումը չհանձնվի դաշնային կառավարությանը»,- հայտարարել է Իրաքի վարչապետ Հեյդար ալ-Աբադին։

Հիշեցնենք, որ երեկ՝ սեպտեմբերի 25-ին, Իրաքյան Քրդստանում տեղի ունեցած անկախության հանրաքվեի նախնական արդյունքներով՝ ընտրողների շուրջ 95 տոկոսն աջակցել է անկախացմանը։