ԱՄՆ-ում դեմոկրատ կոնգրեսականը Ներկայացուցիչների պալատում ծնկի է իջել՝ ի նշան Թրամփի դեմ բողոքի (լուսանկարներ, տեսանյութեր)

13:10 • 27.09.17

Տեխասից ընտրված դեմոկրատ կոնգրեսական Շեյլա Ջեքսոն Լին, ցանկանալով իր բողոքը հայտնել նախագահ Դոնալդ Թրամփին ու համերաշխությունը՝ նախագահին ընդդիմացած մարզիկներին, ծնկի է իջել Ներկայացուցիչների պալատում:

Ինչպես նշում է The Daily Mail-ը, կինը հետևել է Ամերիկյան ֆուտբոլի ազգային լիգայի ավելի քան 100 սևամորթ խաղացողների օրինակին, որոնք Թրամփին քննադատել էին իրենց ազատությունը սահմանափակելու, ռասիստական վարքագիծ դրսևորելու համար:

Ամեն ինչ սկսվել է բեյսբոլիստ Բրյուս Մաքսվելից: Մարզիկը հանդիպումներից մեկի ժամանակ խախտել է ավանդույթն ու ԱՄՆ ազգային հիմնի կատարման ընթացքում ծնկի իջել: Մինչդեռ, ըստ ավանդույթի, մարզիկները հիմնի կատարման ժամանակ պետք է կանգնած լինեն: Այսպիսով՝ Մաքսվելն իր դժգոհությունն է հայտնել երկրում ռասիզմի դրսևորման դեպքերի աճի առնչությամբ: Դրան ի պատասխան Թրամփը Twitter-ում գրել է, որ օրհներգի ժամանակ ծնկի իջնելը հայրենասիրության պակասի նշան է:


Այնուհետև ԱՄՆ նախագահը դիմել է Ամերիկյան ֆուտբոլի ազգային լիգայի (ԱՖԱԼ) թիմերի տերերին՝ կոչ անելով աշխատանքից հեռացնել այն սրիկաներին, որոնք համարձակվել են հիմնի կատարման ժամանակ չկանգնել: Հայտնի է, որ օրերս «Դալաս Քոուբոյս» թիմի բոլոր անդամները միահամուռ ծնկի էին իջել մարզադաշտում:

Կոնգրեսական Շեյլա Ջեքսոն Լիի կարծիքով՝ նախագահի վիճահարույց հայտարարությունը ոչ այլ ինչ է, եթե ոչ ռասիզմ:


ԱՖԱԼ-ի կանոնադրության համաձայն՝ յուրաքանչյուր խաղից առաջ պետք է կատարվի ազգային օրհներգը, որի ժամանակ բոլոր խաղացողներն անխտիր պետք է ոտքի կանգնեն:

Մարզիկների հետ ընդհարման ֆոնին, նախագահը չեղարկել է NBA-ի չեմպիոն «Գոլդեն Սթեյթ Ուորիորս» բասկետբոլային թիմի անդամների համար Սպիտակ տուն այցելելու հրավերը: Թիմի անդամներն իրենց հերթին հայտարարել են, որ չեն պատրաստվում Սպիտակ տուն գնալ: Թիմի աստղ Սթիվ Քարին լրագրողներին ասել է, որ դեմ է, որ բասկետբոլիստները հանդիպեն Թրամփին: Աղբյուրը նկատում է, որ նման բան չէր եղել նախագահ Ռոնալդ Ռեյգանի ժամանակներից ի վեր:

«Սպիտակ տուն այցելելը հաղթած թիմի համար մեծ պատիվ է, բայց Սթիվեն Քարին երկմտանքի մեջ է: Ուստի՝ չեղարկում եմ հրավերը»,-գրել է Թրամփը:


Մինչդեռ հայտնի բասկետբոլիստներ ԼեԲրոն Ջեյմսն ու ԼեՍին ՄքՔոյը նախագահին ապուշ են անվանել:


«Սպիտակ տուն գնալը մեծ պատիվ էր նախքան քո այնտեղ հայտնվելը»,- պատասխանել է ԼեԲրոն Ջեյմսը:

 

Then she knelt in front of the podium, saying she was responding to 'racism'

Texas Democratic Rep. Sheila Jackson Lee stood up Monday night on the House floor for NFL players who decided to protest during the National Anthem

Players from nearly every NFL team (pictured: the Buffalo Bills) took a knee this weekend to protest police treatment of young unarmed black men